Plas sherri në familjen Rexha; Ja si reagon i ati i Bebes ndaj këngës së saj të re…

February 27, 2019

Kënga e fundit e Bebe Rexhës nxiti shumë polemika për shkak të përmbajtjes së saj.

Por duket se babai i saj, Flamur Rexha, nuk ka qenë dakord me videoklipin e Bebes duke e konsideruar një turp. Në një mesazh privat, ai i ka kërkuar vajzës së tij të ndalojë publikimin e ‘pornografive’ dhe se ndihet i turpëruar kur del përpara njerëzve.

“Bën mirë të ndalosh së publikuari pornografi sepse po më sëmur. Nuk mund ta përballoj më. Më vjen turp kudo që shkoj. Jam shumë i mërzitur me ty, nuk mund ta besoj”, i shkroi ai.

Bebe publikoi mesazhin e të atit në Instagram dhe shkroi: “Babi më urren mua.”

Por pas reagimit të fansave të saj, Bebe u pendua së tepërmi që e postoi atë foto në Twitter, dhe e fshiu, për ta pasuar me disa statuse që i adresoheshin situatës.

“Babai im nuk është njeri i keq. Nuk duhet ta kisha postuar kurrë atë mesazh. Jam e zhgënjyer nga vetja. Po bëja sarkazëm“, shkroi Bebe. “E kuptoj si baba dhe arsyen pse mesazhi ishte pak i ashpër. Jam e mërzitur që ai ende nuk më flet por është babai im.”

 “Mos thoni gjëra të tilla për babain tim sepse është baba i mrekullueshëm”, shtoi ajo.

Kënga e saj e fundit ‘Last Hurrah’ ka grumbulluar rreth 5.5 milion klikime në YouTube që nga premiera e saj katër ditë më parë. Këngëtarja shfaqet në disa skena puthjesh me femra e meshkuj duke e konsideruar këtë natë si “çmendurinë” e fundit para se ti kthehet normalitetit.


Kiss FM Radio Online

Kiss FM 98.5 MHz

Current track
TITLE
ARTIST

Background