Miriam Cani dhe Alban Skënderaj prindër për herë të dytë, vjen në jetë djali

January 15, 2020

Këngëtari Alban Skënderaj dhe bashkëshortja e tij Miriam Cani janë bërë sërish prindër.

Përmes një postimi në rrjetin e tij social Instagram, Albani ka njoftuar fansat për lajmin e bukur dhe ka zbuluar edhe emrin e djalit të tyre.

Duam quhet vogëlushi dhe arsyeja e përzgjedhjes së këtij emri nga ana e tyre përveçse lidhet me faktin se është një fjalë e ëmbël, kuptimplotë, ka gjithashtu edhe një arsye tejet të veçantë.

Duam vjen nga titulli i këngës ‘Duamë’ me të cilën ata kurorëzuan martesën e tyre, ditë e cila përkon me momentin kur zbuluan se Miriam ishte në pritje të ëmbël. Gjithashtu këngëtari shton se inicialet e emrave të tyre si prindër janë aty në mes si një shtyllë, ku Duami dhe motra e tij Ameli mund të mbështeten gjithmonë.

Mirë se erdhe në jetë Duam. Ne do të duam deri sa frymë më të mos kemi. Ashtu si e do natyra diellin e si e duan yjet qiellin. Gjithmonë më shumë se dje e më pak se nesër. Ndoshta nuk të falim dot një kurorë por ti do jesh përjetësisht Princi jonë Duam. Do bëjmë gjithçka që është në dorën tonë që ti të rritesh me shëndet, që ti të rritesh me dinjitet. Të përqafosh të mirën dhe të luftosh padrejtësitë. Të jesh tolerant, i duruar por i guximshëm dhe i vendosur kur duhet. Të dish nga ke ardhur dhe ku do të shkosh. Të jesh vetvetja dhe gjithmonë krenar për veten. Të duash e të të duan.
Ështe detyrim moral ndaj jush që na keni dhuruar dashuri e keni qenë pjesë e gëzimeve dhe hidhërimeve tona të ndajmë arsyen pse zgjodhëm këtë emer edhe pse mund ta imagjinoni.
Duam (përveç se një fjalë e ëmbël, e pastër dhe kuptimplot shqipe) vjen nga emri i këngës me të cilën ne kurorëzuam martesën tonë para pak muajsh, ditë e cila përkon me momentin e paharrueshëm kur zbuluam që Duam-i kishte nisur rrugën e tij për të ardhur në jetë. Ishim duke xhiruar klipin dhe duke e kënduar çdo ditë atë këngë ndaj e kemi ndjerë gjithmonë shumë edhe si këngën e tij. DU-AM-ELI, edhe inicialet e emrave tanë si prindër janë aty në mes si një shtyllë ku Duam-i dhe motra e tij Ameli mund të mbështeten gjithmonë”.


Kiss FM Radio Online

Kiss FM 98.5 MHz

Current track
TITLE
ARTIST

Background